BUTUAN CITY – Nakig-alayon na ang Philippine National Police (PNP) sa nagkadaiyang ahensya sa gobyerno ug international law enforcement organizations aron beripikahin ang taho nga pagkasikop kang kanhe Ako Bicol party-list Representative Zaldy Co sa Prague, Czech Republic.
Sigon ni PNP Chief Police General Jose Melencio C. Nartatez Jr., gihimo ang beripikasyon pinaagi sa opisyal nga mga channel aron maseguro ang detalye sa nasangpit nga insidente.
Dugang pa niini, andam ang PNP nga maghatag og kinahanglang tabang ug suporta sa mga legal process, lakip ang koordinasyon para sa posibleng pagbalik ni Co sa Pilipinas, alayon sa pamahayag ni Pangulong Ferdinand Ferdinand Marcos Jr.
Una nang gipahayag sa Pangulo nga naaresto si Co human matud kini misulod sa Czech Republic sa dihang walay igong dokumento ug kasamtangang anaa sa kustodiya na sa mga awtoridad sa maong lugar.
Si Co ang lakip sa mga gikutay sa matud pa anomalya sa mga flood control projects sa nasud.
Samtang gibutyag usab sa Department of Foreign Affairs (DFA) nga wala pa silay nakuhang kumpirmasyon o dugang impormasyon mahitungod sa nasangpit nga pag-aresto.
