BUTUAN CITY – Mikusog pa ang bagyo nga anaa sa silangan sa Pilipinas ug gi-classify na kini isip typhoon.
Ang bagyong adunay international name nga “Sinlaku” (kaniadto LPA nagpabilin sa gawas sa Philippine Area of Responsibility (PAR) ug wala pa’y direktang epekto sa nasud.
Sa karon, anaa kini sulod sa Tropical Cyclone Monitoring Domain ug padayon nga gibantayan sa mga eksperto.
Base sa mga international trackers, ang bagyo adunay kusog nga hangin nga moabot sa 140 km/h duol sa sentro ug bugso nga moabot hangtod 220 km/h, samtang hinay ang lihok padulong sa amihanan-amihanang silangan.
Ang sentro niini gibanabana nga naa sa 930 km habagatan-sidlakan sa Guam.
Nagsugod ang Typhoon Sinlaku isip Low Pressure Area niadtong Abril 9, unya nahimo’g Tropical Depression, sunod Tropical Storm, ug karon nakaabot na sa kategoryang Typhoon niadtong Abril 11.
Ang pagkusog ni Sinlaku kabahin sa 2026 Western Pacific typhoon season, nga gilauman nga mahimong aktibo tungod sa kondisyon sa dagat ug atmosphere.
