BUTUAN CITY – Gidawat ni Chinese President Xi Jinping ang main opposition party leader sa Taiwan alang sa usa ka pinasahing panagtagbo kagahapon subay sa ilang tinguha nga makab-ot ang cross-strait peace.
Si Cheng Li-wun mao ang unang sitting leader sa Kuomintang Party nga mibisita sa China sulod sa usa ka dekada.
Madumdumang niadtong 2016, giputol sa Beijing ang ilang high-level communications tali sa Taiwan human nahimong presidente si ruling Democratic Progressive Party leader Tsai Ing-wen kinsa nagdumili pag-endorso sa konsepto sa single Chinese nation.
Nasayrang ang DPP usa sa mga misaway sa biyahe ni Cheng dayong akusa kaniya nga subservient matud pa ngadto sa Beijing.
Una nang gi-angkon sa Beijing nga ang Taiwan parte sa ilang teritoryo ug nagpadayag nga kuhaon ang maong self-governed island pinaagi sa kusog.
Sa ilang panagkita sa Great Hall of the People sa China, gipadayag ni Xi nga andam siyang palig-unon ang binayluay ug ang dayalogo uban sa nagkada-iyang partido ubos sa kondisyon nga supakon ang gihingusgang kaugalingnan sa Taiwan.
