BUTUAN CITY- Mokunhod og 40 sentabos kada kilo ang presyo sa liquefied petroleum gas kon LPG sa Pilipinas karong Septiembre tungod sa pagkunhod sa gasto sa freight o transportasyon, bisan pa sa pagsaka sa international contract prices, sumala sa Department of Energy (DOE).
Sigon sa DOE, ang mga panimalay nga mogamit og standard nga 11-kilogram sa LPG cylinder makatagamtam og P4.40 nga pagkunhod sa ilang gasto karong bulana.
Misaka man ang international LPG contract price ngadto sa $649.50 kada metric ton gikan sa $634 niadtong Agosto, apan mikunhod ang freight cost gikan sa $120.82 ngadto sa $94.41 kada metric ton, samtang misaka usab ang bili sa piso batok sa dolyar ngadto sa P61.40 gikan sa P61.59. Gilauman nga ang presyo sa 11-kilogram nga LPG cylinder mokabat tali sa P1,031 ngadto sa P1,536, depende sa brand ug lokasyon.
