BUTUAN CITY – Namatay ang duha ka Filipino seafarers tungod sa pag-atake sa Strait of Hormuz, base na sa pagkumpirma sa Bahri, ang national shipping company sa Saudi Arabia kondiin ang ilang barko nga SIDR na-igo samtang naglawig sa Strait of Hormuz ning mi-aging adlaw, Septembre 1 – oras sa Pilipinas.
Ang patay’ng lawas sa mga biktima gidala sa Oman kauban ang 14 pa ka mga Filipino seafarers nga naka-survive ug anaa sa luwas nga kahimtang.
Gikumpirma usab ni Department of Migrant Workers (DMW) Secretary Hans Leo Cacdac ang panghitabo diin nakig-alayon na sila alang sa repatriation sa mga survivors.
Apan sumala sa maritime security agency nga UKMTO, ang tanker naigo sa tulo nga wala matino nga projectiles samtang kini miagi sa Strait of Hormuz.
Ning nakalabay nga buwan, usa ka barkong Wedyan supertanker usab ang na-igo samtang kini naglawig dool sa kadagatan sa Oman.
Samtang duha usab sa ilang barko, ang AMZAN ug MASA ang gi-atake sa Red Sea sa mga Houthi rebels gikan sa Yemen. Mahinumdumang nagbahad ang Iran nga ilang atakihon ang bisan unsang barko nga mu-agi sa Strait of Hormuz.
