7-anyos nga bata, gibunalan-patay sa tag-iya sa mangga nga iyang gikatkatan

BUTUAN CITY – Tingkagol na sa bilangguan Baliguian, Zamboanga del Norte ang usa ka lalaki nga mibunal-bunal og dos-por-dos nga kahoy ngadto sa 7-anyos nga batang lalaki nga nasapon niyang nanguha og bunga sa mangga sa ilang tugkaran ning mi-aging adlaw’mg Miyerkules.

Nasayran nga dihang nasapon sa suspetsado ang biktimang si alyas Gaga, imbes nga sultihan, iya na hinuon kining gibunal-bunalan og kahoy ug tungod sa dili mabangbang nga injuries, nakabsan kini sa iyang kinabuhi.

Daling gipangita sa kapulisan ang suspetsadong si alyas Loloy kinsa misaysay nga tumong lamang matud pa niya nga hatagan og leksyon ang si bisan kinsang musulod sa iyang propiedad.