BUTUAN CITY – Misentro sa giatubang karun krises sa nasud Pilipinas ang mensahe ni Butuan City Mayor Law Fortun sa paghandum sa Araw ng Kagitingan karung adlawa.
Sigon ni Mayor Fortun nga dunay lahing gi-atubang karun ang katawhang Filipino tungod sa kalisud nga atong nasinatian nga nagkinahanglan usab sa atong panaghiusa.
Gane tungod niini dunay mga lakang nga gihimo ang lokal nga panggamhanan sama sa pagmugna og Task Force Balangay aron pagmonitor sa dagan sa presyunahay diha sa merkado.
Apan gi-angkon sa mayor nga kung dili gyud mokunhod ang tensiyon posibleng mosaka na usab ang ubang mga palaliton human sa Abril 30 nga gitakda sa Department of Trade and Industry kon DTI.
Tungod niini mihangyu ang mayor ngadto sa mga negosyante nga dili pahimuslan ang sitwasyon. Dugang pa sa opisyal nga mahimo untang ehimplo kanato ang pakigbisog aron lang makuha ang kagawasan sa nasud og dili sa kaugalingong interest.
Gikumpirma usab ni Mayor Fortun nga duna sila karuy giplastar nga libreng sakay samtang lauman na ang pagpagawas sa subsidiya sa transport sector.
Gipasabot usab niini kung nganung ang sektor sa transportasyon ang una gelayong ayudahan ning panahon sa krises.
