BUTUAN CITY – Pakyas si Vice President Sara Duterte nga gelayong makakuha og temporary restraining order (TRO) gikan sa Korte Suprema nfa magpugong unta sa pagpahigayon og usa ka public impeachment hearing batuk kanya sa House of Representatives.
Sa gipagawas nga press briefer sa Supreme Court (SC), walay nahisgutan mahitungod sa gipangayu nga TRO sa Bise Presidente.
Hinoon gitahasan niini ang Kamara ug House justice committee nga magsubmite og komento mahitungod sa petisyong giduso sa kampo ni Duterte.
Napulo ka adlaw lang ang gihatag sa SC sa Kamara ug sa komite aron makaduso sila og komento mahitungod sa petisyon.
Nasayran nga gi-consolidate usab sa SC ang mga petisyong gisang-at ni Duterte ug sa uban pang abogado.
Lakip sa mga respondents sa petisyon ang House of Representatives sa katibuk-an, ang House Justice Committee, ang Senado pinaagi ni Senate Pres. Vicente Sotto III, ug ang petitioners sa likod sa duha ka aktibong impeachment complaints batuk kang VP Sara.
Nasayran nga Marso 30 sa dihang giduso sa kampo ni Duterte ang 58 palid nga petition for certiorari sa SC aron pangayoon nga magpagawas og TRO nga pug-ngan ang impeachment hearings batuk kanya.
Mihangyu usab ang bise presidente og “final injunction” nga magpawalay-saysay ug magpabasura sa impeachment proceedings, lakip na ang initial issuance sa writ of preliminary injunction batuk sa “trial, mini-trial, o ang gitawag nga preliminary investigation” sa kamara adiser ang pagpagawas sa “final injunction.”
Sa umaabot nga Abril 14, 2026 nakatakdang ipadayon sa Justice panel ang pagdungog sa impeachment ni VP Sara diin gipatawag na ang mga testigo ug gipa-subpoena na usab ang mga susihong ebidensya.
