BUTUAN CITY- Gitubag sa Iranian Islamic Military ang bag-ong ultimatum ni US President Donald Trump. Subay kini sa laeng 48-hour deadline nga gihatag ni Trump sa Iran aron bukasan ang gawasnong pagtabok sa Strait of Hormuz.
Sa maong higayon mga power plant ug mga tulay sa Iran ang daw sunod nga buskagon ni Trump kung dili gihapon mo sunod ang Iran sa gusto niini.
Ang deadline ni Trump mahuman karung adlawa Abril 7, sa may alas 8 sa gabie Eastern Time. Sumala sa tigpamaba sa Islamic Revolutionary Guard Corps kon IRGC nga si Ebrahim Zolfaghari, ang halapad nga protesta nga nahitabo mismo sa America pamatuod nga mas nasabtan pa sa katawhan sa America ang epekto sa giyera nga gisugdan ni Trump.
Sigon sa IRGC, nga klarong nagpadala si Trump sa Israel aron sila atakehon sa walay kasiguraduhan kung unsaon niini tapuson ang panagbangi.
Sa usa ka statement sigon usab ni Iranian Foreign Ministry Esmaeil Baghaei, nga kung unsa ang gub-on sa US ug Israel mao usab ang ilang buhaton isip depensa sa agresion niini.
