Butuan City – Giila ni Petty Officer 2nd Class Rolando C. Asis, miyembro sa Coastguard Special Operation Group sa Philippine Coastguard-Northeastern Mindanao ang dakong tabang sa mga bangka nga naglibot-libot usab sa Masao Beach sa pag-responde ugaling dunay mga insidente.
Sumala pa niini nga nakadawat sila og taho mahitungod sa pagkalumos apan sa ilang pag-abot sa lugar, na-rescue na ang tulo ka indibidwal diin usa niini ang wala pay panimoot.
Gibutyag usab ni Asis nga sugod pa niadtong Sabado Santo nagdeploy na og personahe sa maong lugar diin walay insidente nga nahitabo. Kagahapong adlawa, full force matud pa sila kauban ang medical team tungod sa kadaghan sa mga beachgoers.
Gikumpirma usab sa Butuan City Police Station-3 nga nakabsan sa kinabuhi ang maong biktima nga 15-anyos nga taga Tambak, Lower Doongan, Butuan City.
Samtang sa esklusibong pakighinabi sa Bombo Radyo kang Kagawad Felix Lariba sa Barangay Masao ning siyudad, gikumpirma usab niini nga dead-on-arrival ang biktima sa dihang gidala sa usa ka pribadong ospital ning dakbayan.
