BUTUAN CITY – Gihunong una sa Israeli military ang ilang military strike sa southern Iran samtang nagpadayon ang pagpangita sa na-missing nga usa ka American fighter jet crew member.
Hinuon sa ubang lugar, padayon ang grabeng mga pagbusikad sa sidlakang bahin sa capital Tehran gawas pa sa mulanog nga mga pagbusikad sa fighter jets diha sa kawanangan.
Sigon sa mga Iranian outlets, gi-activate na ang mga depensa sa siyudad human nga una nang gikumpirma sa Israel Defense Forces (IDF) iang laing hugna sa ilang gilusad nga airstrikes sa Tehran.
Sa nakalabay’ng 24 oras, gipadayag sa IDF nga naglusad sila og kapin sa 70 ka mga strikes sa western ug central Iran nga nag-target sa mga ballistic missile launch sites ug mga unmanned aerial vehicles. Gawas sa Iran, gisugdan na usab nila ang pag-atake sa pipila ka parte sa Beirut.
