BUTUAN CITY – Napatay ang duha ka pulis ug usa ka empleyado sa Bureau of Corrections (BuCor) kagabii, Biyernes Santo, Abril 3, human ang nahitabong pagpamusil sa Barangay Irawan sa Puerto Princesa City, Palawan.
Base sa mga residente sa lugar, nakabaton og komprontasyon tali sa police officers ug pipila ka tambay bandang alas-9:40 kagabi-i.
Mibiya ang mga pulis sa lugar apan mibalik nga dunay kaubang backup nga nagresulta sa bag-ong komprontasyon nga nahulog sa pinusilay.
Natumbok ang mga namatay nga sila Police Staff Sergeants Ryan Cris Cabaña ug Jayson Fernandez, na parehong mga nakadestino sa Puerto Princesa City Police Station 2 ug si Jerson Ojario Talon sa BuCor.
Gimandu na ni Puerto Princesa City Police Office (PPCPO) Director Police Colonel Cristine Tabdi ang lawon nga imbestigasyon sa krimen ug naglusad na usab og manhunt operation para matumbok ug maaresto ang mga suspek.
Gimandu usab sa Police Director ang pagsugod sa case buildup ug gipahugtan nga mga operasyon.
Nagmugna na usab og Special Task Group nga mututok sa kaso.
