BUTUAN CITY – Misaka na sa 425 ka mga gasolinahan sa Philippines ang mihunong sa ilang operasyon tungod sa kakulang sa suplay.
Sumala ni Randulf Tuaño, spokesperson sa Philippine National Police (PNP), napugos ang mga tag-iya sa gasolinahan nga magsira tungod sa kakulang sa suplay sa krudo.
Dugang pa sa opisyal nga base kini sa monitoring nga gihimo sa Municipal Price Coordinating Council (MPCC), diin nahurot na matud pa ang ilang mga stock.
Sumala sa ilang datos, daghan ang nagsira sa Cordillera Administrative Region nga adunay 79 ka gasolinahan nga nahunong, gisundan sa Central Luzon nga adunay 46 ug Eastern Visayas nga adunay 44.
Samtang, adunay upat ka gasolinahan sa National Capital Region (NCR) nga nagsira tungod sa end of contract, kakulang sa suplay, ug kawalay suplay.
Ang maong lista gisumite na sa Department of Energy.
