BUTUAN CITY – Balhog na karun sa karsel kining usa ka menyu nga lalaki human kini nasapon sa buy-bust operation sa kapulisan kaganinang alas 2:25 sa buntag sulod sa usa ka lodge nga nahimutang sa Purok-3, Barangay Dagohoy ning siyudad sa Butuan.
Naila ang suspetsado nga si Alyas Ondoy, 49-anyos, menyu, walay trabaho nga taga Purok-1, Barangay Imadejas, Butuan City og gikonsidera nga Newly Identified Street Level Individual.
Gipanguluhan sa City Drug Enforcement Unit sa Butuan City Police Office ang maong operasyon diin nakumpiska ang 7 ka sachet nga dunay sulod sa gitoohang shabu og gibana-banang mitimbang kini sa 5 gramos nga nagkantidad sa 34-mil pesos.
Lakip sa nakuha gikan sa posisyon sa suspetsado ang marked money nga 2-mil pesos, usa ka cellphone, duha ka timbangan nga digital, usa ka improvised bamboo sealer, pitaka og ang iyang driver’s license.
Ang suspetsado lakip na ang mga nakuhang butang gikustudiya karun sa Butuan City Police Office alang sa tukmang disposasyon samtang gihikay na ang kasong ipasaka batuk sa suspek.
