BUTUAN CITY – Natala saTaguig City ang pinaka-ubos nga kaso sa stunting sa mga batang edad 0 hangtud 5-anyos sa tibook Metro Manila.
Base kini sa datus sa National Nutrition Council.
Sumala sa Operation Timbang Plus, anaa sa 0.20% lang ang stunting rate sa siyudad, dako ang pagbaba kumpara sa 7.82% national average.
Gikan sa 9.69% niadtong 2015, mikunhod ang stunting rate sa Taguig sa 0.35% niadtong 2019, nga bugti sa 97% nga pagkunhod sulod sa lima ka tuig sa ilalom sa pagdumala ni Mayor Lani Cayetano.
Gipakita niini ang padayon nga pagmaayu sa kahimtang sa nutrisyon sa mga bata sa Taguig, tungod sa dugay nang community-based programs ug mga target nga lakang alang sa mga inahan og kabataan.
Lakip sa mga programang gipatuman ang “First 1,000 Days” nga nakatutuk sa tukmang nutrisyon gikan sa pagmabdos hangtud sa unang mga tuig sa bata, kauban ang supplementation ug regular monitoring sa mga barangay.
Tungod niini, nakadawat ang siyudad sa nagkadaiyang pasidungog sama sa Nutrition Honor Award, CROWN Awards, ug Green Banner Awards para sa kahapsay sa nutrition programs.
Padayon usab nga gipakusgan sa Taguig ang mga programa aron mapabiling himsog ang mga bata sa ilang sayung edad.
