-- ADVERTISEMENT --
BUTUAN CITY – Tingkagol karon sa karsel sa Tagbina Municipal Police Station ang usa ka school principal human nakuhaan og suspected shabu sa gilusad nga drug buy-bust operation sa Purok 3, Brgy. Poblacion, lungsod sa Tagbina, Surigao del Sur.
Nasayrang taud-taud nang gi-surveillance sa kapulisan ang 45-anyos nga suspetsado ug dihang nakumpirma nga nalambigit kini sa pagpahuyot og ginadiling druga, dinhi na gihimo ang operasyon sa mga sakop sa Philippine Drug Enforcement Agency ug sa Tagbina Municipal Police Station.
Nakuha gikan kaniya ang duha ka sachets sa gidudahang shabu nga nagkantidad og ₱6,800 ug ang marked money nga gigamit sa buy-bust.
Mag-atubang kini og kasong paglapas sa Republic Act 9165.
