BUTUAN CITY – Mulungtad pa hangtud sa hinapos ning buwan sa Marso ang recruitment process sa Philippine National Police kon PNP alang sa calendar year 2026 regular ug attrition quota human kini gisugdan niadtong Biernes, Marso 20.
Nasayrang ang gihatag sa PNP national headquarters nga quota sa Caraga Region, mu-abot sa 200 kondiin 73 niini ang regular hiring samtang 130 usab sa attrition ug alang sa National Support Unit.
Sigon ni PLt Col Arnel de Jesus, hepe sa Regional Recruitment and Selection Unit kon RRSU sa Police Regional Office-13, ugmang adlawa na Lunes, Marso 23, sugdan ang ilang pagdawat sa folders sa mga aplikante.
Giklaro pa sa opisyal nga kwalipikadong subling mag-apply ang mga wala nadawat sa mi-aging recruitment apan dili sila mahimong prayoridad ug mu-agi pa gihapon sila sa parehong proseso.
Samtang giklaro usab sa opisyal nga wala’y kamatu-uran ang isyung duna’y natigayong binayranay aron lang madawat pagka-patrolman o patrolwoman. Ang himuon matud pa atol sa recruitment mao ang lawom nga background checking ug vetting process.
