-- ADVERTISEMENT --
BUTUAN CITY – Wala pasaylua sa mga otoridad ang usa ka 73-anyos nga lola human kini gidakop dihang nakuhaan og ilegal nga druga sa gipahigayong anti-illegal drug operations ning mi-aging alas-10:15 sa gabii.
Nasikop human nakuhaan og gitu-uhang shabu ang biyuda nga si alyas Lola Sisa sa Sitio Estacionan, Barangay Mabolo, Cebu City, human ang pila ka semanang surveillance ug nakumpirmang namaligya kini og shabu.
Nakumpiska sa mga sakop sa Mabolo Police Station 4 ang duha ka gagmay nga sachets sa suspected shabu nga gibana-banang motimbang og 0.8 gramos nga mobalor og ₱5,440.
