BUTUAN CITY – Makita karon sa City Hall Lobby ang nagkalain-laing produkto nga gihimo sa mga kababayen-an sa syudad pinaagi sa Batyag Kadagahan Bazaar, kabahin sa selebrasyon sa Women’s Month.
Sa bazaar, makita ang lain-laing booths sama sa Juana’s, Tabuan Flea Market, PWD and Senior Citizen Booths, ug Erlyn’s Kakanin nga nagbaligya og mga preskong gulay, prutas, shakes, kakanin, refreshments, ug uban pang non-food items.
Ang bazaar naghatag og dugang kita sa mga kababayen-an samtang ilang gipakita ang kalidad sa lokal nga produkto. Usa usab kini ka paagi aron mapalig-on ang ilang pagsalig sa kaugalingon ug ang ilang papel sa lokal nga ekonomiya.
Gipakita usab sa City Government of Butuan ang padayon nga suporta sa pag-empower sa kababayen-an pinaagi sa paghatag og plataporma nga makatabang sa pagpalambo sa gagmayng negosyo sa syudad.
Gi-awhag ang publiko nga mobisita ug suportahan ang bazaar pinaagi sa pagpalit sa mga lokal nga produkto, nga magpadayon kutob karong Huwebes.
