BUTUAN CITY – Mi-abot na sa World No. 29 si Filipina tennis star Alex Eala sa pinakabag-ong Women’s Tennis Association on WTA rankings (singles) kondiin mao kini ang iyang pinaka-taas nga ranggo sa karera ug unang higayon nga nakasulod siya sa Top 30 sa tibuok kalibutan.
Tungod sa iyang bag-ong career-high ranking, posible pa nga makasulod ang 20-anyos nga Pinay tennis sensation sa Top 20 kung magpadayon ang iyang consistent performance.
Nakuha ni Eala ang iyang bag-ong ranggo human ang iyang performance dihang naka-abot siya sa Round of 16 sa Indian Wells ug nakadaug batok sa World No. 8 Jasmine Paolini sa Dubai.
Ang iyang pagsulod sa Top 30 nagpasabot nga mas daghan siya’g oportunidad nga mahimong seeded sa dagkong torneo kondiin nakatutok siya karon sa Miami Open ug sa clay season sa Europe.
