BUTUAN CITY – Gikumpirma sa Pentagon nga ipadala ang USS Tripoli, usa ka amphibious assault ship, kauban ang 31st Marine Expeditionary Unit (MEU) nga dunay kapin 2,500 U.S. Marines padulong sa Middle East.
Ang barko nakabase sa Japan ug laumang muabot sulod sa usa hangtud sa duha ka semana aron pakusgon ang presensya sa Amerika sa rehiyon.
Sumala sa mga opisyal, tumong sa deployment nga suportahan ang mga operasyon taliwa sa migrabe nga tensyon sa Iran ug sa Strait of Hormuz, diin moagi ang kapin 20% sa pangkalibutanong suplay sa lana.
Sa kasamtangan, dunay gibana-banang 50-mil ka tropa sa U.S. nga gibutang sa Tunga-tungang sidlakan kauban ang duha ka carrier strike groups nga nagpahigayon ogoperasyon.
Dugang pa niini, pipila ka warships ug F-35 fighter jets ang andam aron maghatag og dugang air ug sea power sa rehiyon.
Gibutyag sa Pentagon nga ang lakang kabahin sa mas lapad nga estratehiya aron seguruhon ang kaluwasan sa shipping lanes ug protektahan ang mga kaalyado sa Amerika.
Sa katibuk-an, laumang maghatag og mas dakong presensya sa U.S. military ang maong deployment nga mamahimong magpataas sa tensyon apan tumong usab nga mapabilin ang seguridad sa Middle East.
