BUTUAN CITY- Gikomperma ni Transportation Secretary Giovanni Lopez, nga aduna nay naka ong-ong nga petisyon alang sa taas nga pamasahe apan gipakalma pa kini sa Land Transportation Franchising and Regulatory Board kon LTFRB aron nga i-recrash ang numero ug susihon ang epekto niini sa kasamtangang sitwasyon.
Sumala ni Lopez, nga ang diha-diha nga epekto sa taas nga pamasahe posible nga moresulta sa pagsaka usab sa mga palaliton ug dugang inflation, hinungdan nga kinahanglan kining tun-an pag-ayo.
Sigon pa ni Lopez, nga mas gi-prioritize karun sa Department of Transportation ang subsidiya sa mga transport group sama sa fuel ug service contracting aron nga mabati gilayon sa mga targeted beneficiaries ang tabang gikan sa panggamhanan.
Matud pa ni Lopez, nga ang DOTr nagplano usab nga ipadayon ang pagtuon sa fare hike petition ug ugaling ma-aprobahan kini buhaton lamang sa pamaagi nga dili makadugang sa kasamtangang problema sa presyo sa mga palaliton.
Lauman nga sugdan na usab ang roll out sa fuel subsidy sa National Capital Region particular sa mga tricycle drivers, ubos sa Local Government Unit Jurisdiction, sunod ang mga jeepney operators.
Kini parte sa direktiba ni President Ferdinand Marcos Jr. ug full government approach aron nga dili mograbe ang epekto sa pagsaka sa presyo sa lana sa mga transport group.
Lakip usab sa koordinasyon ang Department of Social Welfare and Development kon DSWD aron nga masiguro ang husto nga pagpangapod-adpod sa subsidy sa mga beneficiario. Sigon ni Lopez, nga cash ang ipanghatag sa mga beneficiary.
