BUTUAN CITY – Gikwestyon ni Senador Rodante Marcoleta ang dugay nga pagpagawas sa report sa Senate Blue Ribbon Committee kalabot sa ilang gi-imbestigahang anumalusong mga flood control projects.
Sa iyang privilege speech, gipadayag ni Marcoleta nga pito ka buwan na ang nakalabay sukad gihimo ang pagdungog niadtong Agusto ning mi-aging tuig apan hangtud karon, wala pa’y gipagawas nga official committee report si chairman Ping Lacson taliwa nga dugay ra kining gihulatan sa publiko ilabina nga kapin sa uno-trilyunes pisos ang nakurakot sa mga tag-as nga opisyal sa gobyerno.
Sigon sa senador, nagsubmite ang minority bloc sa kaugalingon nilang report niadtong Disyembre 2025 base sa unang unom ka mga pagdungog sa komite kansa duna’y sulod nga mga obserbasyon, pasi-unang mga nadiskubrehan ug mga rekomendasyon.
Tumong niini nga masayran sa publiko ang mga nadiskubrehan sa ilang panig samtang wala pa’y gipagawas nga official report ang komite kansa gibatikos ni Lacson kinsa nagbutyag nga angayan lang matud pa kining ilabog sa basurahan kansa iyang gikwestyon tungod kay dili matud pa kini angay nga taras sa usa ka magbabalaud nga nagtan-aw sa kaayuhan sa kinabag-ang katawhan.
Gikwestyon usab ni Marcoleta ang aksyon ni Lacson isip chairman sa Blue Ribbon apil na ang pagpadala og draft report sa komite ngadto sa iyang buhatan nga wala’y pirma ni Lacson apil na ang wala pagdawat ni Lacson sa mga alegasyon sa mga whistleblowers batuk sa mga opisyal sa gobyernong nalambigit sa kuprasyon apil na ang expose’ ni Orly Guteza nga unang nagbulgar sa pagpahatud ni kahin Rep Zaldy Co og minaleta nga mga kwarta ngadto sa balay nila Rep Martin Romualdez ug Pangulong Bongbong Marcos.
Sigon ni Marcoleta, daghan unta og angayang imbitaron sa mga pagdungog sama sa 18 ka mga kanhi marines aron ma-imbestigahan ang mga tawong nalambigit sa kurapsyon, maoy gihulat sa katawhan. Tungod niini, nakapangutana si Marcoleta kung unsa’y gikahadlukan sa chairman nga si Lacson.
Nanawagan pa kini nga mas maayong imbitaron ang tanang duna’y kasayuran sa maong anomaliya aron masuta ang mga nagpaluyo sa anumalusong mga flood control projects.
