BUTUAN CITY – Padayon pa ang imbestigasyon sa Butuan City Central Fire Station sa pagkasunog sa usa ka bodega sa mga ligid sa may T Calo Extension sakop sa Brgy Tandang Sora ning siyudad sa Butuan kaganinang ala-1:30 sa kaadlawon aron masuta ang hinungdan sa pag-ulbo sa kalayo sa establisamientong gipanag-iyahan ni Anthony Go ug ang kinatibuk-ang damyos niini.
Sigon ni acting city fire marshal Sr Fire Insp Ronald Vasquez, dali ra nilang nakontrol ang kalayo tungod sa fire wall nga anaa sa tuong bahin sa Cross Lug Trading ug nakakoral usab ang pikas gawas nga layo ra kini sa kabalayan apan dugay nilang napalong ang kalayo tungod kay mga goma man ang naka-stock dinhi.
Migawas pa sa ilang inisyal nga imbestigasyon nga tulo ka transformers sa gawas nga bahin sa bodega ang nangbuto matud pa.
