BUTUAN CITY – Arestado ang duha ka pulis gikan sa Taguig City Police Station ug pipila ka sibilyan sa mga ginsakpan sa PNP Drug Enforcement Group (PDEG) sa gikasang buy-bust operation niadtong Sabado sa hapon, March 7,2026.
Gihimo ang operasyon bandang alas- 4:27 sa hapon sa atubangan sa Landers, Arca South, Taguig City diin nakumpiska ang gibana-banang anaa sa 100 gramos sa shabu nga dunay market value nga P680,000.
Kini base sa pagbana-bana sa Dangerous Drugs Board, kauban ang mga armas, cellphone, ug ID nga gipanag-iyahan sa PNP.
Hugot nga gikondena sa Taguig LGU ang pagkalambigit sa mga pulis, nga subling nagpamatood sa ilang “zero tolerance” sa ilegal nga droga ug bisan unsang klase sa paglapas sa balaod.
Sigon ni Mayor Lani Cayetano nga hugot niyang gisuportahan ang gihimong lakang sa PNP ug Southern Police District (SPD) sa paglimpiyo sa han-ay ug hinanaling aksyon batuk sa mga pulis nga nakasala.
