BUTUAN CITY – Nagpahimangno ang Department of Energy kon DOE nga mag-atubang ang mga motorista ug mga konsumidor og dako kaayo nga pagsaka sa presyo sa mga produktong petrolyo karong semanaha.
Base sa ilang bana-bana, musaka og 22 hangtud 24-pisos ang matag-litro sa diesel samtang 11 hangtud 13-pisos usab sa matag-litro sa gasolina ug 33 hangtud 36-pisos ang isaka sa kada-litro sa kerosene.
Bisan og mas taas kini kung usahon ang mi-aging mga pagsaka ning mi-aging mga semana, gila-umang duna gihapon kini kabag-uhan hangtud sa aktwal nga pagpatuman unya niini ilabina sa Lunes sa hapon.
Sigon sa DOE, ang mga datus gikan sa international trading, nagpakita sa padayong pagsaka sa presyo sa Dubai crude oil ug Phoenix petroleum products nga gila-umang maka-apekto sa local nga presyo sa lana dinhi sa Pilipinas.
