BUTUAN CITY – Miabot sa 3.4 milyones pesos ang gibana-banang kantidad sa ilegal nga drogas nga mas nailang shabu sa malampusong operasyon sa Barangay Poblacion 2, Buenavista, Agusan del Norte pasado ala1:40 sa nakalabay nga hapon.
Giila ni Dindo Abellanosa, tigpamaba sa Philippine Drug Enforcement Agency kon PDEA-Caraga nga nadakpan nga si Alyas Noel , 57-anyos, usa ka High Value Target nga taga Barangay Agusan Pequeno ning siyudad sa Butuan.
Gihimo ang operasyon sa pagpanguna sa PDEA-Caraga kauban ang Agusan del Norte Provincial Office og Buenavista Municipal Police Station.
Nakumpiska niini ang 5 ka sachet nga dunay sulod sa shabu nga mitimbang og dili moubos sa tunga sa kilo.
Lakip sa nakuha ang cellphone sa suspetsado nga maoy gigamit sa transaction rasong lauman ang daghan pang operasyon ugaling masuta na kungasa gipangbaligya ang maong mga epektos.
Sumala pa ni Abellanosa nga sa nakalabay nga tuig pa dunay nadawat nag taho mahitungod sa pagpamaligya sa suspek diin giberipika kini og gikutay sa mga nadakpan pong mga drug personality. Sa karun, gikustudiya ang suspek sa Buenavista Municipal Police Station samtang gipasaka na ang kasong may kalapasan sa Section 5 sa Article II sa Republic Act No. 9165, o mas nailang Comprehensive Dangerous Drugs Act of 2002.
