BUTUAN CITY – Mag-atubang og kasong may kalapasan sa sections 102 og 103 sa Republic Act No. 7942 nga mas nailang “Philippine Mining Act of 1995” ang 5 ka indibdiwal diin duha niini ang Chinese National human nasikop sa gikasang operasyon sa otoridad tungod sa illegal mining sa Agusan Del Sur.
Nasayrang gihimo ang operation sa may Purok 8 Blocking, Barangay Wasian, Rosario, Agusan del Sur sa nakalabay nga mga adlaw pinaagi sa mga ginsakupan sa Regional Intelligence Division 13, 1303rd Maneuver Company sa Regional Mobile Force Battalion 13, Provincial Intelligence Team-Agusan del Sur, Provincial Intelligence Unit sa Agusan del Sur Police Provincial Office, og Rosario Municipal Police Station (MPS), kauban ang City Environment and Natural Resources Office kon CENRO – Bunawan.
Ang mga nadakpan nailang sila: Alias Chen, 50-anyos, Chinese national og natumbok nga financier; Si Alias Ty, 55-anyos, Chinese national, natumbok usab nga financier og parehong residente sa Siyuwan, Liji Village, Tian’erhe, Hanchuan City, Hubei Province, China.
Ang mga Filipino nga nadakpan mao sila Alias Boy, 36-anyos, laborer nga residente sa Purok 7, Barangay Maasin, Esperanza, Agusan del Sur; Alias Jean, 36-anyos, backhoe operator, residente sa Purok Cantimon, Barangay Salaysay, Marilog District, Davao City; og Alias Jenny, 41-anyos, residente sa Nangka, Barangay Consuelo, Bunawan, Agusan del Sur.
Nakumpiska usab sa maong operation ang duha ka units sa excavator nga nagkantidad og 6-milyones pesos, usa ka unit sa generator set nga gi-attached sa water pumped og mibalor sa sien mil pesos, 12 ka artificial turf mats nga angkantidad og 5-mil pesos, duha ka wooden pan nga tag 2-mil pesos.
