BUTUAN CITY- Nagpadayon ang paspas nga pagsaka sa presyo sa lana nga nakaapekto sa transport sector, ilabi na sa mga tricycle driver nga nag-antos sa taas nga gasto sa operasyon.
Sumala ni Ritche Ravelo, presidente sa Eastern Suburb Four-Seater Toda, nga base sa nasinati niini ang presyo sa gasolina mingsaka na sa ₱61.44 matag litro samtang ang krudo anaa sa ₱59.00, kansa naghatag og dakong problema tungod limitado ra ang pletehan sa tricycle.
Matud pa ni Ravelo, ang epekto niini mosangko usab sa presyo sa batakang palaliton sama sa bugas ug uban pang kinahanglanon sa adlaw-adlaw.
Gibutyag usab niini, nga kung magpadayon pa ang pagsaka sa presyo sa lana, posible matud pa nga moabot og ₱150 matag litro sama sa gipagawas nga pamahayag sa national news, ilabi na nga ang presyo sa lana sa international market anaa na sa $80 matag bariles nunot sa kagubot sa Middle East.
Gani, sion pa ni Ravelo nga ang hilabi nga na-apektuhan ang mga tricycle driver nga naglibot-libot sa kalsada aron mangita og pasahero, apan kasagaran usa o duha ra ang mosakay, hinungdan nga mas dako ang konsumo sa gasolina kumpara sa kita.
Dugang pa ni Ravelo, nga nunot sa pagsaka sa presyo ug sa higayong pagpasaka sa pletehan, aduna na matud pay ordinansa kani-adto nga gipagawas sa usa ka konsehal sa Dakbayan sa Butuan kansa naglatid sa “per metrics” base sa presyo sa gasolina.
Matud pa niini, kini mahimong gamiton nga basihanan sa pletehan ug dili na kinahanglan nga mangayo pa og dugang nga hangyo. Sa pagkakaron, giatubang usab sa transport sector ang isyu sa Oil Subsidy ug ang hangyo sa gobyerno nga daw temporaryong tangtangon ang dako nga VAT aron maminusan ang epekto sa krisis.
Samtang sama matud pa sa gipagawas nga pamahayag sa Department of Energy kon DOE, padayon pa nga nangita og laing kakuhaan sa lana ang Departamaneto aron matubag ang panginahanglanon. A
pan sigon ni Ravelo, nga kung magpadayon pa ang gubat sa Middle East, posible nga mosaka pa ang presyo sa gasolina ug magpabilin ang kalisod sa transport sector, tungod kasagaran paspas ang pagsaka sa presyo apan hinay kaayo ang pag-ubos niini.
