BUTUAN CITY- Gikumpirma sa Defense Team ni Vice President Sara Duterte sa pagpangulo ni Atty. Michael Poa nga nakadawat na sila og notice correspondent sa House Committee on Justice nga gi-unoran og 2 ka biripikadong impeachment complaints.
Sumala ni Atty. Poa, nga dili usa mohatag og bag-ong komento ang kampo sa Bise Presidente ug daw ilang tubagon ang maong hisgutanan sa hustong proseso sa konstitusyon.
Niadtong Marso 4, pormal na nga gipadala sa Committee ang maong abiso sa office of the Vice President kon OVP sa Mandaluyong City kung asa gimandoan si VP Sara nga magsumite og verified answer sulod sa 10 ka adlaw without extension.
Gawas sa nag-unang 2 ka reklamo, gi-ila usab sa committee ang ika-3 ug ika-4 nga impeachment complaint batok kang Vice President Duterte nga Sufficient in Substance.
Taliwala sa mingdako nga ihap sa reklamo, nagpabiling mabinantayon usab ang kampo sa Bise Presidente ug gipili nga dili usa mohatag og dugang pamahayag kalabot maong hisgutanan atubangan sa publiko, gawas nalang sa pagsiguro nga atubangon sa Bise Presidente pinaagi sa husto nga proseso sa balaod.
Ang mga impeachment complaints aduna gihapoy kalabotan sa sayop nga paggamit sa pondo, ug uban pang pagsupak sa konstitusyon kansa padayon nga gituki sa ubos balay-balaoranan.
Nakafuskos ang depensa sa pagsunod sa mga gitakda nga polisiya sa kasamtangang administrasyon. Tumong usab sa maong reklamo ang daw paghulga ni Vice President Sara Duterte ug pakigsabot sa usa ka tao nga patyon ang First Family ug kanhi House Speaker Martin Romualdez.
