BUTUAN CITY – Klarong politically motivated ang impeachment complaint batuk kang Vice President Sara Duterte nga gipaboran sa 54 ka kongresista sa House Justice Committee nga duna kini Suffiency in Substance.
Gihimog sumbanan sa legal og political expert nga si Atty. James Reserva ang iyang reaksiyon pinaagi sa pagkumpara sa impeachment complaint usab nga giduso kaniadto batuk kang Pangulong Ferdinand Marcos jr.
Sigon ni Atty. Reserba nga kaniadto sa dihang gisala usab ang impeachment complaint sa pangulo dali kining gibasura sukwahi sa besi presidente nga bisan og klarong walay basehan nga gilatag, ila gihapon kining gipalabang.
Gi-usa-usa pa sa abogado ang kasong plunder nga walay basehan, malversation nga dili mapamatud-ang personal nga nag-disbursed o kaha mitunol og kwarta ang Besi Presidente lakip na ang Graft and Coirruption diin walay ebidensiya nga midawat kini og kwarta unya iya rang gibulsa.
Gitumbok usab niini ang betrayal of public trust diin tataw man base sa mga survey nga siya ang naka-angkon sa pinakataas nga approval og trust rating sa katawhan.
Bisan paman niini, gi-aprubahan nilang supisyente kini sa substance tungod sa tinguha nga mapapas ang iyang politikal nga karera ilabina kay dakong babag kini sa 2028 nga presidential election.
Tungod niini gibutyag ni Atty. Reserba nga gigamit lang isip armas ang proseso og mekanismo sa impeachment.
Bisan paman niini, kampante ang abogado nga lahi ang dagan sa pagdungog sa senado nga maoy magsilbing impeachment court.
Sumala pa niini nga dili pwedeng ibaliwala sa senado ang kawalay hinungdan sa maong impeachment complaint tungod kay posibleng mag-atubang sila og mas dako nga consequences.
Kini ilabina kay nakita sa abogado nga basin mo-boomerang ngadto sa mga magbabalaod ang gihimo nilang pagpang-ipit sa besi presidente.
