BUTUAN CITY – Nagkadaiyang mga aktibidadis ang nakahan-ay karun sa Bureau of Fire Protection kon BFP-Butuan City Central Fire Station nonot sa pagsaulog sa National Fire Prevention Month ning bulan sa Marso.
Sigon ni Fire Sr. Inspector Ronald Vasquez, Acting City Fire marshall sa BFP-Caraga nga gihimo ang kickoff ceremony niadtong Marso Uno sa Cabadbaran City nga gisundan kagahapong adlawa pinaagi sa flag raising ceremony sa Agusan Del Norte Capitol Ground adiser gihimo ang motorcade.
Kaganinang buntag gihimo usab ang pag-obserbsa sa dakong mall ning siyudad aron masuta kung unsay buhaton ugaling dunay sunog. Samtang mas gipakusgan pa karun ang gihimo nilang rekorida diin ila kining gidoble ngadto sa mga barangay nga prone sa sunog.
Tema sa karun nga National Fire Prevention Month ang Sa Pag-iwas sa sunog, hindi ka nag-iisa.
Samtang gibutyag sa opisyal nga masuta lang nga epektibo ang ilang kampanya ugaling mapatay na ang kalayu adiser pa nakaresponde ang ilang mga kabomberohan.
Gibutyag ni Fire Sr. Inspector Vasquez nga 24/7 nga andam ang kabomberohan uban sa volunteer fire birgade basta duna lay tawag gawas kung sila mismo ang makasaksi. Giyagyag usab sa opisyal ang mga factors nganung malangay ang pagrespoinde sa sunog.
Una, ugaling walay makatwag; ikaduha niini mao kung dunay nakakita sa sunog apan wala dayun makatawag tungod sa pagkatarantar o ba kaha nag-una pag-live sa iyang social media. Lakip na usab niini ang kalayo sa lugar rasong ilang giduso pa karun ang dugang mga sub station.
Tambag nalang niini sa katawhan nga hatagan og gimbug-aton ang ilang mga pahimangno aron makalikay sa sunog o kaha maminusan ang kadaot niini.
