BUTUAN CITY- Hugot nga gisaway sa mga Demokratikong magbabalaod ang aksyon ni U.S. President Donald Trump batok sa Iran niadtong Pebrero 28, diin giingon ni Jack Reed nga gibutang niini ang nasud sa dakong gubat nga walay klarong hinungdan, pagtugot sa Kongreso, o plano sa pagtapos sa panagbangi.
Giakusahan usab ni Bernie Sanders ang administrasyon nga ilegal ug supak sa konstitusyon, samtang si Ruben Gallego misulti nga gisupak ni Trump ang iyang kampanya nga pakunhuran ang military interventions.
Nangayo si Senate Minority Leader Chuck Schumer og briefing sa Kongreso ug gikritika ang posibilidad sa usa ka walay katapusan ug mahal nga gubat sa Middle East.
Sa laing bahin, gisuportahan sa mga Republican si Trump, lakip si House Speaker Mike Johnson nga miingon nga atubangon sa Iran ang grabe nga silot tungod sa ilang teroristang binuhatan ug ambisyon sa nuclear, samtang si Senator Lindsey Graham mitawag sa pamulong ni Trump nga sinugdanan sa makasaysayang kausaban sa Middle East sulod sa usa ka libo ka tuig.
