BUTUAN CITY – Isubmite sa abogado sa nagpa-ilang 18 nga kanhe sundalo ang ilang mga gipanumpaang salaysay sa Office of the Ombudsman karung adlaw.
Kini mismo ang gipa-ambit ni Atty. Levi Baligod, mibarug nga legal counsel para sa mga niini sa dihang nakahinabi human ang pagduso.
Sumala pa, isubmite nila ang kopya nga pirmado ugt notaryadong affidavits sa mga kanhe sundalo, 2 ka kanhe konektado sa Philippine Army samtang 16 usab ang mga kanhe miyembro sa Philippine Marines.
Pasabot sa abogado kung nganung sa Office of the Ombudsman nila isubmite ang mga salaysay nga sumala niini dili reklamo o complaint ang ilang isubmite sa Ombudsman kundi referral pa lang.
Giduso nila kini aron makabton og ‘prima facie proof’ nga nag-ingong dunay gilapas sa balaod ang mga gipasangginlan nga opisyal sa gobyerno.
Mamahimo matud pa niyang mapakita sa Ombudsman nga dunay paglapas o violation sa Republic Act No. 3019 o ang Anti-Graft and Corrupt Practices Act, R.A. 6713 o ang Code of Conduct and Ethical Standards for Public Officials and Employees, Malversation ug Bribery. Wala na gitumbok o gipakita pa sa abogado kung kinsa ang mga opisyal nga gustong mapaimbestigahan sa Ombudsman.
Apan matud pa gipanganlan sa salaysay nga gisubmita ang 7 ka senador ug 26 ka mga magbabalaod o congressman.
Mahinumdumang una nang mitumaw ug miatubang sa publiko ang 18 ka nagpailang kanhe dating sundalo mahitungod sa matud pa pagdeliver sa minaletang kwarta.
Ilang gisegundahan ang mga rebelasyon ni Orly Guteza sa Senado sa pagpadala sa milyunes nga kantidad sa kwarta sa balay sa ilang tag-as nga opisyal sa gobyerno.
