BUTUAN CITY- Gitugotan sa International Criminal Court kon ICC ang hangyo ni kanhi President Rodrigo Duterte nga dili motambong sa detention hearing nga nakatakda sa Pebrero 27, 2026 sa The Hague.
Sumala sa ICC Pre-Trial Chamber I nga ang 80-anyos nga si Duterte, mingsulat og pormal nga waiver aron isalikway ang iyang katungod sa pagtambong ug gisabotan na niya ang legal nga sangputanan niini uban sa iyang abogado.
Gitugotan usab siya nga dili motambong sa confirmation of charges hearings nga naglambigit sa iyang kampanya kontra droga, diin giakusahan siya sa tulo ka kaso sa crimes against humanity. Gipadayag sa mga piskal ang ebidensya sa mga patay sama sa kaso ni Albuera Mayor Rolando Espinosa, Ozamiz Mayor Reynaldo Parojinog, ug 17-anyos nga si Kian Delos Santos.
Samtang sigon sa depensa nga kulang ug politikal ang ebidensya, gilauman nga ipresentar nila ang ilang argumento sa mosunod nga hearing sa Pebrero 26.
Si Duterte nagpabilin nga nadetain sa ICC Detention Centre sukad Marso 2025 human sa iyang pagdakop ug wala matagaan og interim release niadtong Nobyembre 2025.
