BUTUAN CITY- Mag-atubang og kasong physical injury ang usa ka police nga responsable sa pagpanipa sa usa ka biktima nga nalambigit sa disgrasya sa kadalanan sa Brgy. La Union, Cabadbaran City, Agusan del Norte, niadtong miaging adlaw.
Gi-angkon ni PLTCOL. Randy Abunda, Chief of Police, sa Cabadbaran City Police Station, nga iyang sakop ang maong pulis nga responsable sa maong pagpanipa. Kahinumdumang ming-viral ang usa ka video sa maayong pagka tikang-kang sa lalaki human gisipa samtang nag lingkod sa dalan tungod sa samad nga nahiaguman, human sa nahitabong disgrasya.
Sumala ni PLTCOL. Abunda, wala na matud pa na-control sa maong pulis ang iyang kaugalingon dihang nakita niya nga nag buy-od na ang iyang asawa sa kadalanan nga nag hambin usab og balati-ang postpartum, hinungdan nga nasipa niya ang biktimang driver, apan nasuta usab nga ang biktimang driver dili mao ang nga naka bangga sa iyang pamilya. Dugang pa sa Hepe sa kapulisan nga dili pa siya maka pagawas og pamahayag kung ma tang-tang ba ang maong pulis sa pag panirbesyo tungod sa salaod nga nabuhat.
Gibutyag usab niini nga gitabangan sa kapulisan ang pamilya sa driver nga gisipa, alang sa pormal nga pagpasaka og kaso sa pulis nga nanipa.
