BUTUAN CITY- Gikondena sa Malakanyang ang pamahayag sa abogado ni kanhi Pangulong Rodrigo Duterte nga si Nicholas Kaufman nga gidaut lang matud pa ni Pangulong Ferdinand Marcos Jr ang pagpangatungdanan ni Duterte.
Sa unang adlaw sa confirmation of charges hearing sa International Criminal Court (ICC), nabutyag nga nakadawat og usa ka tawag sa telepono ug gipasigarbo nga magpagawas matud pa sila og mga witness aron dauton ang kanhi pangulo.
Sigon ni Palace Press Officer Usec. Claire Castro, ang alegasyon ni Kaufman kang Pangulong Marcos, binuang matud pa.
Dugang pa ni Castro, daw si Kaufman matud pa ang duna karo’ybalatian ug dili ang iyang kliyenteng si Duterte tungod kay nakalimutan niini nga ang crime against humanity case nga giduso sa ICC batuk kang Duterte, niadto pang 2017 kondiin usa ka private citizen si Marcos.
Gipamugos pa ni Castro nga dili klaro ang pagka-defense lawyer si Kaufman tungod kay ang mga nahitabong extrajudicial killings, nahitabo idtong mayor pa si Duterte sa Davao City.
