BUTUAN CITY – Misaka na ngadto sa 65 ang kumpirmadong napatay sa naunlog nga MV Trisha Kerstin 3 human ang pagka-rekober sa laing patay’ng lawas sigon sa Philippine Coast Guard karung adlawa.
Nakit-an sa PCG technical divers ang patay’ng lawas atol sa gihimong search operations.
Sigon sa otoridad 14 ka individual pa ang nagpabiling missing samtang 293 survivors ang natala.
Padayon gihapon sa karun ang mga specialized divers sa pagsawom sa maong dapit sa naunluron sa barko aron makita ang nagpabiling missing nga mga pasahero.
Samtang gibutyag usab sa Department of Transportation nga nangandam na sila sa pag-file og administrative cases batuk sa Aleson Shipping Lines, ang tag-iya sa maong barko sa tumong nga makansela o ma-revoke ang ilang Certificate of Public Convenience.
Ang MV Trisha Kerstin 3, nga rolling cargo vessel, naunlod niadtong Enero 26 dool sa Basilan province.
Duna kini sakay nga 314 ka pasahero og 27 ka crew members sa dihang kini na-unlod.
