BUTUAN CITY – Gipahibalo ni United States President Donald Trump kagabii, oras sa Pilipinas, ang pagpahamtang og temporaryong 10% global import duty sulod sa 150 ka mga adlaw, isip puli sa mga taripa nga gi-invalid sa US Supreme Court.
Dungan niini, iyang gimando ang bag-ong imbestigasyon ubos sa laing balaod aron mapatuman pag-usab ang taripa sa umalabot.
Ang bag-ong taripa, nga ipatuman sa sugod Martes, gibutang ubos sa Section 122 sa Trade Act of 1974, ug kansa temporaryong ihulip sa 10% hangtud sa 50% nga taripa ubos sa 1977 International Emergency Economic Powers Act (IEEPA) nga maoy gitumbok sa korte nga dili legal.
Nagpadayon gihapon ang mga exemptions alang sa aerospace products, passenger cars sama sa pipila ka light trucks, produkto gikan sa Mexico ug Canada, pharmaceuticals, critical minerals, ug agricultural products.
Sumala ni Treasury Secretary Scott Bessent, ang bag-ong 10% taripa ug posibleng dugang nga taripa ubos sa Section 301 ug Section 232 magpabilin nga halos pareho ang kita gikan sa taripa sa 2026.
Ang Section 122 authority, nga wala pa nagamit kaniadto, naghatag og gahum kang Trump nga magpahamtang og hangtod 15% nga taripa sulod sa 150 ka adlaw sa tanang nasud aron atubangon ang gitawag niyang “large and serious balance-of-payments issues.”
Pagkahuman sa 150 ka adlaw, kinahanglan nga aprobahan sa Kongreso ang maong sugyot aron kini mapadayon sa pagpatuman.
