BUTUAN CITY – Gibalibaran sa mga huwes sa International Criminal Court kon ICC ang hangyu ni kanhe Pangulong Rodrigo Duterte nga dili motambong sa iyang nakatakdang pagdungog dayung tawag nga “irrelevant” ang iyang mga pamahayag mahitungod sa kahimsog sa panglawas.
Bisan og gipamugos sa iyang legal team nga siya tigulang na, luya og hinay na ang lawas,” gibarugan sa Prosecution nga siya fit sa pisikal ug mental aron motambong.
Sigon ni Deputy Prosecutor Mame Mandiaye Niang ang prosekusyon nagpadayon sa ilang pagsupak sa hangyo ni Duterte nga talikdan ang iyang katungod sa pagtambong sa confirmation hearing.
Sumala ni Deputy Prosecutor Mame Mandiaye Niang sa usa ka sinulat nga gisumite sa korte niadtong Huwebes, dili pwede nga si Duterte magdesisyon nga dili motambong sa personal sa mga pagdungog sa kaso.
Wala matud pa makahatag si Duterte og lig-on o makapakombinsir nga rason aron himuon ang confirmation hearing bisan og dili siya makatambong.
Mahinumdumang hangyu ni Duterte sa Pre-Trial Chamber nga tugotan siya nga talikdan ang iyang katungod sa pagtambong sa mga pagdungog, dayung butyag nga siya “tigulang na, kapoy na ug huyang na.”
Apan sumala sa deputy prosecutor sa ICC nga ang kanhing presidente “himsog, may kapasidad, ug pisikal ug mental nga makahimo sa pagtambong sa hearing sa personal,” base sa resulta sa independenteng grupo sa mga medical experts nga mitan-aw sa iyang kahimtang.
Nasayrang Ubos sa Rules of Procedure and Evidence sa ICC, ang confirmation hearing “ipahigayon lamang kung makontento ang Pre-Trial Chamber nga ang maong tawo nakasabot sa iyang katungod nga motambong sa hearing ug sa mga epekto kon talikdan niya kini.”
Gilauman nga magpagawas og desisyon ang Pre-Trial Chamber bahin sa maong hangyo sa dili pa ang confirmation proceedings karong Lunes.
