BUTUAN CITY – Padayon karong gipanubayan sa Butuan City Police Station 3 ang grupo sa mga batan-ong babaye nga mikulata sa usa ka dalagita atol sa gitu-uhang usa ka initiation rites ning mi-aging adlaw human nag-viral ang video nga nagpakita sa maong hitabo.
Hugot nga gikondenda sa mga netizens ilabina sa mga ginikanan ang maong video nga nagpakita sa usa ka dalagita kansa gitabangan ug kulata nga gika-ingong nahitabo sa Brgy. Libertad Butuan City ning nakalabay’ng adlaw.
Sumala sa inisyal nga imbestigasyon, naila na matud pa sa kapulisan ang mga suspetsado kansang identity gipugngan k tungod kay pulos sila mga minor-de-edad.
Makita sa video nga samtang nagtindog ang biktima kalit lamang kining gitabangan ug bugno sa mga suspek ug gibira-bira ang buhok sa biktim kondiin natumba kini ug nagpangayo og tabang apan padayon kining gidumog samtang gikuhaan ug video.
