BUTUAN CITY- Gipasi-ugda usab ni PLt. Joy March Estioco, nga mas gipahugtan pa sa bag-ong Office-in-Charge kon OIC Acting City Director PCol. Restituto P. Lacano Jr ang presensya sa kapolisan, ipiktibong butang alang sa pagsuta sa kriminalidad sa kadalanan.
Matud pa, nga pinaagi sa maong initiatiba dali nga marespondihan ang emergensya nga mahitabo sa nagkada-iyang lugar sa dakbayan. Gani ang mga Police Patrol Car, ubay-ubay na usab nga nagpatrolya palibot sa mga lugar uban sa ubang ahensya sama sa Traffic Enforcement Unit.
Gawas niini, gibutyag usab ni Estioco nga niadtong Pebrero 10, 2026 adunay natigayong turn over sa bag-ong Station Commander sa Butuan City Police Station-4 sa Ampayon, diin gi welcome si PMajor. Aian Gilbert G. Lodonia uban sa iyang pasalig nga mas palig-onon pa niini ang iyang serbisyo alang sa siguridad sa dakbayan sa Butuan.
