-- ADVERTISEMENT --
BUTUAN CITY- Palapdan pa sa Department of Agriculture (DA) ang programa nga “Benteng Bigas, Meron Na” sa Metro Manila aron mas daghang kabus ug bulnerableng sektor ang makapalit sa bigas nga ₱20 kada kilo.
Sumala ni Agriculture Secretary Francisco Tiu Laurel Jr., target sa ahensya nga magtukod og dili moubos sa lima ka rice outlets sa matag lokal nga pamahalaan sa National Capital Region.
Tumong niini nga mapaduol ang abot-kayang bigas sa katawhan ug maminusan ang gasto sa mga pamilya.
Giingon usab ni DA-Agribusiness and Marketing Assistance Service Director Junibert de Sagun nga target nila ang full-scale expansion sa programa sa dili pa matapos ang Marso 2026, aron matiming sa panahon sa anihan ug masiguro ang igo nga suplay.
