BUTUAN CITY – Padayon ang hog repopulation program sa pipila ka lugar sa Luzon, apil ang Pangasinan, human sa problema sa African Swine Fever.
Sumala sa Samahang Industriya ng Agirkultura kon SINAG, ang repopulation nakatabang sa pagkunhod sa presyo sa karneng baboy sa merkado.
Base sa Department of Agriculture, mas ubos na karon ang presyo sa karneng baboy karong bulana kumpara sa miaging tuig, nga niabot pa og P400 kada kilo.
Matod sa SINAG, mas kumpiyansa na karon ang mga hog raisers nga mobalik og invest ug magpadaghan og baboy. Nakatabang usab ang pagkunhod sa presyo sa farm ug ang mas hugot nga bantay batok sa overpricing.
Sa kinatibuk-an, dako’g tabang ang repopulation kay mas daghan ang suplay sa baboy ug mas barato na kini alang sa mga konsumidor.
