BUTUAN CITY – Patay on-the-spot ang upat ka mga indibidwal nga sakay sa de-pasayruang van ngadto sa naka-parking lang nga flat bed Truck kaganinang alas-6:00 sa buntag sa Sitio Sugpuron, Brgy. Balud, lungsod sa Basey, lalawigan sa Samar.
Apil sa namatay ang driver sa van nga si alyas Ramon, 54-anyos, minyo nga taga Brgy Calaasni, Alangalang, Leyte ug mga pasahero nga sila alyas Trexie, 71-anyos, alyas Ming, babaye ug alyas Nimfa, 57-anyos ug pulos residente sa Borongan City.
Samtang ang ubang mga pasaherong na-angol gidali pagdala sa Basey District Hospital alang sa medical treatment.
Sigon sa report sa Police Regional Office-8, gikan sa Borongan City, Eastern Samar ang de-pasaherong van ug padung kini sa Tacloban City.
Anaa matud pa sa pikas lane sa dalan nakaparada ang trak dihang kalit lang misimang ang van padung sa nahimutangan niini, hinungdan sa daghang casualties.
Padayon pang gisuta ang hinungdan sa kalit nga pagsimang sa van.
