BUTUAN CITY – Patay ang dili mu-ubos sa 14 ka batang lalaki human mipa-ilalom sa traditional circumcision nga kabahin sa initiation rites sa South Africa.
Ang insidente nahitabo atol sa summer initiation sa tuig 2025, diin ang tradisyon padayon nga ginapraktis sa pipila ka ethnic groups sama sa Xhosa, Ndebele, Sotho, ug Venda.
Sa ritwal, ginadala ang mga kabataan sa initiation schools aron matudluan sa tradisyon, prinsipyo, ug obligasyon isip mga batan-on nga muabot na sa hustong edad.
Tungod sa mga kamatayon, gimando sa Gobyerno sa South Africa nga kinahanglan nga marehistro ang tanan nga initiation schools.
Sumala ni Velenkosini Hlabisa, Minister of Traditional Affairs, ang mga biktima resulta sa kapabayaan sa pipila ka initiation schools, lakip na ang mga rehistrado.
Gipadayag usab nga daghan ang sayop nga mga pagtuo sama sa dili pag-inom og tubig tungod sa pagtuo nga makapadali kini sa pag-ayo sa samad. Base sa balaod sa South Africa, 16-anyos pataas lamang ang gitugotan nga mosulod sa initiation schools.
–
