BUTUAN CITY – Gipa-ilalom sa administrative relief sa Philippine National Police (PNP) ang kapin 70 ka mga pulis nga nadestino sa Regional Mobile Force Battalion 14-B ilalom sa Police Regional Office – Bangsamoro Autonomous Region kon PRO-BAR human mikaylap sa social media ang mga hulagway ug video sa pagpang-abuso atol sa reception rites sa maong yunit sa Lamitan City, Basilan ning miaging semana.
Sa press briefing sa Kampo Crame kaganinang buntag, gipadayag ni PNP Public Information Office Chief Police Brig. Gen. Randulf Tuaño nga gawas sa 70 ka personnel sa RMFB 14-B, laing 12 pa ka mga pulis usab ang gitangtang sa ilang posisyon tungod sa ilang kalambigitan sa maong hazing kansa dugay rang gidili sa balayd.
Sumala ni Tuaño, ang mga biktima pulos mga pulis nga bag-o pa lang nakagradwar sa Basic Internal Security Training.
Sa pagkakaron, temporaryo nga gipulihan ang maong mga pulis ug gibutang sila sa Regional Personnel Records Management Division – Regional Police Holding and Accounting Section sa Parang, Maguindanao.
Dugang pa ni Tuaño, 18 ka mga indibidwal na ang nagduso og reklamo mahitungod sa insidente, ug gila-uman nga musunod pa ang kapin 110 ka uban rason nga gihimay na usab ang mga kasong administratibo nga ipasaka batuk sa mga pulis nga nalambigit sa maong panghitabo.
