BUTUAN CITY – Gitawag ni President Ferdinand Marcos Jr. nga political move ug walay basehan ang duha ka impeachment complaint nga gipasaka batok sa iyaha nga gideklara nga insufficient in substance sa House Committee on Justice.
Sa iyang pinakaunang komento gipadayag ni President Marcos nga usa ra kini ka distraction sa ilang ginahimo sa administrasyon ug wala kini nabalaka tungod kay kabalo siya nga wala siyay gilapas sa balaod.
Samtang wala usab maghatag og komento si Pangulong Ferdinand Marcos Jr. kabahin sa duha ka reklamong impeachment nga gisang-at batok kang Bise Presidente Sara Duterte.
Gi-ingon sa Pangulo nga dili kini iyang trabaho nga magpahayag bahin sa maong isyu ug pasagdan na lang ang Kamara de Representantes nga mobuhat sa ilang katungdanan.
Kini human sa kumpirmasyon ni House Secretary General Cheloy Garafil nga na-transmit na sa iyang opisina ang duha ka impeachment complaints ngadto sa Office of the Speaker alang sa angay nga aksiyon sa Kamara.
Bisan pa niini, nagpahayag si Marcos Jr. og pagsalig sa kakayahan sa Kamara sa pagdumala sa kaso.
Sigurado siya nga mosunod ang mababang kapulungan sa hustong proseso ug sa mga probisyon sa Konstitusyon sa pag-atiman sa maong bahin.
