BUTUAN CITY – Padayon pang gi-imbestigahan sa kapulisan sa lungsod sa Matalam, Cotabato ang natigayong pagpamanhig nga mikalas sa usa ka retiradong sundalo.
Dead-on-the-spot ang biktimang si retired Col. Leonardo Songcaya, human gibanhigan sa wala pa mailang mga suspek sa Purok Anthurium, Brgy Poblacion duol lang sa boundary sa Brgy Kidama, Matalam, Cotabato.
Gika-ingong sakay sa iyang Navarra pick-up si Songcaya dihang gipara matud pa kini sa mga armadong lalaki ug gipusil gamit ang M16 rifle ug kalibre .45 nga pistola.
Nasayrang si Songcaya ang nagsilbing presidente sa Cotabato Provincial Federation of Senior Citizens Associations of the Philippines (FSCAP) ug sa Kidama Communal Irrigators’ Association (KCIA).
Hustisya usab ang singgit karon sa mga kabanay sa biktima.
