BUTUAN CITY – Nahatagan na sa ilang pamahaw ingon man non-food assistance ang mga namakwit sa 16 ka mga evacuation centers ning dakbayan sa Butuan.
Base sa datus nga gipagawas sa buhatan ni Butuan City Mayor Lawrence Lemuel Fortun, as of 2:00 AM kaganinang kaadlawon, mi-abot na sa 459 ka mga pamilya o 1,232 ka mga indibidwal gikan sa 13 ka mga barangays na ang namakwit tungod sa epekto ni Bagyong Basyang ilabina kadtong anaa sa mga landslide ingon man flood-prone barangays ning siyudad.
Padayon usab ang gihimong monitoring sa City Social Welfare and Development Department ug sa City Disaster Risk Reduction and Management Department sa sitwasyon sa mga apektadong barangay aron paghatag gilayon og tabang.
Gi-awhag usab niini ang publiko sa padayong mag-amping ug musunod sa lokal sa mga abiso sa lokal nga kagamhanan.
